E rëndë/ Aksident në aksin Lezhë-Mamurras, regjistrohet një i vdekur

Pasditen e sotme një aksident i rëndë është shënuar në aksin rrugorë Lezhë-Mamurras, në afërsi të mbikalimit të Milotit.

Burime zyrtare të policisë bëjnë me dije se makina, me drejtues A. L., ka aksidentuar një biçiklist ende të pa identifikuar, i cili për pasojë ka ndërruar jetë. Drejtuesi i automjetit është shoqëruar në Komisariatin e Policisë Kurbin, për veprime të mëtejshme.

Ndërkohë grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.

Njoftimi i Policisë:
Kurbin/Informacion paraprak

Rreth orës 18:45, në aksin rrugor Lezhë-Mamurras, në afërsi të mbikalimit në Milot, mjeti me drejtues shtetasin A.L., ka aksidentuar një biçiklist ende të paidentifikuar, i cili për pasojë ka gjetur vdekjen .

Drejtuesi i automjetit është shoqëruar në Komisariatin e Policisë Kurbin, për veprime të mëtejshme.

Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.

Kujtojmë se 105 persona humbën jetën në aksidentet rrugore në Shqipëri në gjashtëmujorin e parë të vitit 2021.

Në muajin Qershor 2021 sipas instat numri aksidenteve është rritur me 7,8 %, krahasuar me të njëjtën periudhë të vitit të kaluar.

Shifat tregojë se në Qershor 2021 u shënuan 124 aksidente rrugore ndërsa në të njëjtin muaj të 2020-tës pati 115 të tilla.

Krahasimi gjashtëmujor thotë Instat, paraqitet me një rritje prej 32,9 %, ku numërohen 671 aksidente rrugore nga 505 aksidente të ndodhura në gjashtëmujorin e parë të vitit 2020.