Dy ditë pas arrestimit të ish-ministrit të Mjedisit, Lefter Koka, nën akuzën e shpërtorimit të detyrës dhe korrupsionit me koncesionin e Elbasanit, Partia Socialiste për Integrim ka depozituar prova të reja sot në SPAK.
Kryetarja e LSI, Monika Kryemadhi dorëzon në SPAK materiale të tjera shtesë të cilat provojnë abuzimet në lidhje me aferën e inceneratorëve. Materialet shtesë që i dorëzohen SPAK-ut janë për inceneratorin e Tiranës, të Elbasanit dhe të Fierit.
Në shkresën dorëzuar SPAK, kryetarja e LSI shprehet se mbetet e hapur për të bashkëpunuar me këtë organ në mënyrë që të kontribuojë për një hetim sa më objektiv të kësaj çështjeje.
Lëvizja Socialiste për Integrim ka depozituar më herët tre padi, të shoqëruara me dokumente për inceneratorin e Tiranës, të Elbasanit dhe Fierit.
Kujtojmë që Koka është arrestuar me urdhër të Prokurorisë së Posaçme kundër Korrupsionit dhe Krimit të Organizuar (SPAK) që mban firmën e prokurorit Klodian Braho e gjyqtarit Erion Bani.
Prokuroria e Posaçme kundër Korrupsionit dhe Krimit të Organizuar Tiranë ka njoftoi se dyshohet se Koka ka konsumuar veprat penale “shpërdorimi i detyrës”, kryer në bashkëpunim, “korrupsioni pasiv i funksionarëve të lartë shtetërorë ose i të zgjedhurve vendorë”, si dhe “pastrimi i produkteve të veprës penale apo i veprimtarisë kriminale” , kryer në bashkëpunim.
Akuza penale për Kokën ishin ngritur edhe në paditë e depozituara në SPAK nga PD e LSI për inceneratorët e Tiranës e Elbasanit.
Lefter Koka garoi në zgjedhjen e fundit parlamentare nën siglën e PS në Durrës, fitoi mandat deputeti,por dha dorëheqjen.
