Ditën e sotme kreu i Partisë Demokratike ka takuar në selinë blu Zëvendës Ndihmësin e Sekretarit të Shtetit të SHBA për Çështjet Europiane dhe Euroaziatike, Gabriel Escobar.
Pas takimit Basha u shpreh se me zyrtarin elartë poliyikë diskutuan një sërë çështjesh, duke nisur nga aktualiteti politik shqiptar, e deri te situata në Kosovë.
Më tej kryedemokrati shtoi se ashtu si SHBA, edhe Shqipëria ka në prioritet luftën ndaj korrupsionit dhe ai shtoi se PD ka ndërmarrë nisma konkrete në këtë drejtim.
“Ishte kënaqësi e veçantë të mirëprisja sot përfaqësuesin e lartë të SHBA-ve, Escobar. Lufta ndaj korrupsionit është përcaktuar si interes kombëtar i SHBA-ve, është dhe interes i Shqipërisë. Është ajo që PD ka luftuar dhe është përpjekur më shumë në këto 8 vite, që nga dekriminalizimi i politikës, që te ligji për SPAK-un e BKH, të miratuara me iniciativën e opozitës. Të gjitha këto dëshmojnë që PD ka qenë, është dhe mbetet e vendosur në luftën ndaj korrupsionit. Prioritetet e PD kanë qenë këto, betejat e PD kanë qenë këto.Me zotin Escobar diskutuam çështjet e aktualitetit politik shqiptar, por edhe për Kosovën. Ia bëra të qartë Escobarit mos cënueshmërinë e Kosovës. Jam i kënaqur t’ju raportoj se në këtë qëndrim kam marrë mbështetjen e zotit Escobar. Diskutuam edhe për ecjen para të Shqipërisë në rrugën e reformave, e këtu është dhe ajo që të mos jenë më politikanët e korruptuar. Kjo do të jetë hapi i parë i legjitimitetit të nismave tona”, u shpreh Basha.
