Një ngjarje e rë ndë ka ndodhur disa ditë më parë në Lakoni të Greqisë ku një shqiptar mbyti me duar gruan e tij dhe më pas e njoftoi vetë policinë .
Më vonë u mësua se shqiptari ishte revoltuar pë r shkak se sipas tij ajo i fyeu nënën.
Ndërkohë 40-vjeçari shqiptar që mbyti gruan në Lakoni të Greqisë i penduar për krimin e rëndë është shprehur se tashmë ka merakun e dy fëmijëve të mitur.
‘Ajo që i intereson është se çfarë do të ndodhë me fëmijët e tij. Kjo i intereson, vetëm fati i fëmijëve të tij dhe kjo nuk është pjesë e vijës mbrojtëse’ deklaroi avokati i shqiptarit nga Elbasani që mbyti gruan të dielën.
Aktualisht dy fëmijët i ka marrë kunati i tij, ndërsa për ta po kujdeset edhe një psikolog.
Autori u shpreh se ishte penduar për veprimin e tij dhe pretendoi se ka humbur kontrollin kur 36-vjeçarja Elona është përballur me të dhe sipas tij e ka sharë duke i thënë se do të merrte fëmijët dhe do të largohej.
‘Nuk duroj që një grua të më shajë’, mësohet se ka thënë autori.
‘Isha i inatosur kur ajo më ofendoi, e kapa prej fyti dhe e mbyta. U turbullova dhe e mbyta kur më shau nënën time’ mësohet se ka thënë gjithashtu ai.
Ngjarja ndodhi në Lakoni brenda shtëpisë së çiftit shqiptar nga Elbasani, teksa fëmijët ishin duke fjetur.
