Varianti i ri i Covid-19, i quajtur “Omicron” ka ngjallur panik në të gjithë botën për shkak të rrezikshmërisë që pretendohet të ketë dhe mungesës së informacionit të zgjeruar mbi të.
Varianti i ri i Covid-19 u shfaq fillimisht në Afrikën e Jugut ndërsa tashmë po qarkullon me shpejtësi në disa vende të botës.
Disa nga vendet e prekura janë deri më tani nga varianti i ri “Omicron” janë Holanda, Gjermania, Republika Çeke, Italia, Britania e Madhe, SHBA, Brazili, etj.
Ndërkohë që ditën e sotme varianti i ri i është afruar edhe më shumë Shqipërisë, pasi vendi ynë fqinj, Greqia raportoi rastin e parë me “Omicron”
Sipas Organizatës Botërore të Shëndetësisë, varianti Omicron ka të ngjarë të përhapet në të gjithë botën, duke paraqitur një rrezik “shumë të lartë” global. Omicron nuk do të kursejë as të vaksinuarit pasi parashikohet një rritje rastesh dhe infektimesh megjithëse kjo rritje parashikohet të jetë e vogël.
Të ndodhur para një situatë të tillë Komiteti Teksnik i Ekspertëve, merr ndër të tjera si masë ndalimin e shtetasëve të huaj me histori udhëtimi brenda 14 ditëve të fundit në vendet: Afrikë e Jugut, Kenia, Angola, Zambia, Bostëana dhe Senegal, duke filluar nga data 3 dhjetor, për tre javë. Shtetasit shqiptarë rezidentë, që vijnë në Shqipëri dhe kanë histori udhëtimi 14 ditët e fundit para mbërritjes, në vendet e listuara më sipër do të karantinohen në shtëpitë e tyre për 14 ditë dhe do të monitorohen nga njesitë shëndetësore.
Ndërkohë që “Omicron” i ka ardhur Shqipërisë pothuajse tek “dera” dhe harta e zgjerimit të tij po zhvillohet pothuajse në të gjithë botën , Komiteti Teknik i Ekspertëve merr një vendim që mund të konsiderohet si i vonuar, në raport me situatën.
