Dy vite më parë një shqiptar në Angli është ekzekutuar me armë mbrëmjen e Krishtlindjeve.
Sipas BBC, Flamur Beqiri, i njohur edhe si Alex, një shqiptar i Kosovës, u qëllua për vdekje para gruas dhe foshnjës së tij nga një grup vrasësish suedezë që planifikonin vrasjen për gjashtë muaj.
Ai ishte vëllai i Misse Beqiri,një modele e njohur në Britani të Madhe.
Babai i dy fëmijëve kishte dalë për darkë në restorantin Colbert në Sloane Square me gruan e tij Debora Krasniqi para se të qëllohej disa here, ndërkohë hetuesit thanë se ai u qëllua nga pas dhe u vra para syve të gruas dhe djalit të tij dy vjeçar.
Avokati i prokurorisë, Mark Heywood QC, i tha gjykatës së Southwark Crown se viktima ishte “vrarë mjaft qëllimisht me gjakftohtësi”.
“Ndodhi në një rrugë të qetë të Londrës. Një burrë që po kthehej në shtëpinë e tij me familjen e tij të re u qëllua dhe u vra para syve të tyre.
Kur të keni parë dhe dëgjuar provat në këtë rast, ka të ngjarë të arrini në përfundimin se ishte sa brutal, aq edhe tronditës. Këto prova do të tregojnë se është bërë në një distancë shumë të afërt, arma është qëlluar disa herë deri në objektiv. Qëllimi jo vetëm i njeriut që tërhoqi këmbëzën, por i atyre që qëndronin pas asaj që ndodhi ishte vrasja.”
Heywood tha se vrasja ishte planifikuar për rreth gjashtë muaj, me vrasësit që vinin nga Suedia.
Ekzekutori, shtetasi suedez-tunizian Anis Hemissi, 24 vjeç, është në gjyq, por e ka mohuar vrasjen.
Edhe shtetasit suedezë Estevan Pino-Munizaga, 35, Tobias Fredrik Andersson, 32 vjeç dhe Bawer Karaer, 23 vjeç, të cilët thuhet se kanë qenë pjesë e ekipit ‘në terren’ të dërguar për të ndihmuar Hemisin, mohojnë gjithashtu vrasjen.
