Dikur Arjola Shehu ishte moderatore e emisionit “Kush vjen për drekë”, ndërkohë së fundmi ajo është shprehur publikisht se dëshiron që të përjetojë gjëra të tjera përpara se të bëhet zonjë shtëpie.
Pasi u largua nga televizioni “Klan” me shumë gjasë ka pasur oferta të ndryshme pune, njërën prej tyre nga “Top Channel.”
Këtë të fundit e ka bërë publike vetë ajo përgjatë një interviste në emisionin “Thumb” .
Moderatorja simpatike ka rrëfyer se ka pasur një ofertë nga “Top Channel” për të drejtuar një emision gjatë paradites, mirëpo e ka refuzuar.
Arsyeja?
Siç ajo theksoi, programi i ofruar nuk i përshtatej, duke lënë të nënkuptohej se ishte i ngjashëm me formatin e “Kush vjen për drekë”.
“Kam refuzuar të drejtoj një program që nuk më përshtatej, pasi u largova nga ‘Tv Klan’. Pata disa propozime të tjera për të bërë një emision paradite. Unë mendoj se nuk është momenti që të ndaloj me formate të tilla. Kam për të përjetuar gjëra të tjera përpara se të bëhem zonjë shtëpie. Ishte një propozim për të qenë në ‘Top Channel’, por nuk u konkretizua në fund fare”, ka pohuar Arjola. /revistaclass
