Partia Demokratike është larguar nga mbledhja e për Këshillit të Legjislacionit dhe Komisionit për Çështjet Ligjore, Administratën Publike dhe të Drejtat e Njeriut.
Gjatë debateve, Sekretari i PD, Gazment Bardhi e cilësoi Vettingun një çështje thelbësore dhe jo teknike, ndërsa duke iu drejtuar Lindita Nikollës ka thënë se po hedhin në erë dialogun politik. Ndërkohë, nënkryetari i PD, Enkelejd Alibeaj ka kërkuar që orari të spostohet në 17:00 që mbledhjet të mos vazhdojnë të shtyhen.
“Nuk ka pse të presim mbledhjen tjetër, bëjmë thirrje të mos demaskojmë pozicionet politike që tani. Të spostohet orari në 17:00 dhe të mos vazhdojmë të shtyjmë mbledhjet”, tha Alibeaj.
Gazmenta Bardhi vazhdoi duke thënë se PD ka të drejtën të propozojë një calendar dhe ka kërkuar mundësinë e miratimit të seancave.
“Po merremi me të njëjtën çështje, ne kemi të drejtën tonë të propozojmë kalendar dhe seanca dëgjimore dhe e kemi bërë. Ju lutem na jepni mundësinë ti miratojmë këto seanca dëgjimore. Ju nuk mund të na thoni që tek iniciativa jonë do vini kur të duam ne dhe te iniciativa juaj do të vini po kur të thoni. Ne kemi propozuar një kalendar dhe po zgjatemi kot”, tha Bardhi.
Ndërkohë, Kryetarja e Komisionit Lindita Nikolla propozoi vazhdimin e mbledhjes ditën e premte.
