Para 2 vitesh, më një tetor të 2019 , Eri Zefi u ekzekutua në afërsi të Rrugës së Kombit dhe më pas trupi i tij u hodh në kanal.
Mikel Alia, akuzohet se nxori në pritë shokun e tij të fëmijërisë për ta ekzekutuar.
Mikel Alia është dënuar me 21 vite e 4 muaj burg vrasësi i 34-vjeçarit Eri Zefi, ngjarje e ndodhur me 2 tetor të vitit 2019 në fshatin Zall-Xhuxhe të Njesisë Administrative të Fanit në Mirditë.
42-vjeçari u gjet fajtor për veprat penale “Vrasje me paramendim” dhe “Armëmbajtje pa leje”. Trupa gjykuese dha dënimin maksimal për Mikel Gjovalin Aline me 32-vite burg, dy vite më shumë seç kishte kërkuar prokuroria, por duke qenë se përfitoj nga gjykimi i shkurtuar iu ul 1 e 3 e dënimit.
Eri Zefi prej muajsh kishte reduktuar lëvizjet, pasi i frikësohej një gjakmarrjeje të mundshme.
Kjo pasi vëllai i tij, Ndue Zefi kishte vrarë fqinjin e tij, Martin Ndreca në Durrës.
Duke qenë se gjaksit nuk mund t’i afroheshin banesës së tij, paguan shokun e ngushtë të Zefit, që ta nxirrte nga shtëpia.
Mendohet se për një shumë të papërcaktuar parash, Alia nxorri në pritë shokun e tij.
Gjatë hetimeve është zbuluar se Alia ka komunikuar në telefon me Zefin dhe i ka kërkuar që ta ndihmojë, që të vjedhin një sasi të konsiderueshme hashashi në një terren malor.
I riu ka pranuar ftesën, duke qenë se i besonte verbërisht shokut.
Ata janë udhëtuar gjatë natën në autostradën Durrës-Kukës dhe më pas kanë dalë nga rruga kryesore dhe janë futur në një terren malor, ku Alia pretendonte se do vidhnin drogën.
Sapo kanë dalë nga makina, janë shfaqur dy persona të paidentifikuar që kanë ushtruar dhunë barbare ndaj Zefit.
Më pas ata e qëlluan me 6 plumba, katër në kokë dhe dy në gjoks.
Momentalisht Alia është shpallur në kërkim, ndërsa dy personat që e qëlluan dyshohet se janë larguar drejt Kosovës.
