Pas mbledhjes së Këshillit të Ministrave këtë të mërkurë, Ahmetaj deklaroi se këto nuk janë borxhe të papaguara pasi sipas tij, janë punë në proces.
Madje numri dy i qeverisë shprehet se buxheti i parashikuar për vitin e ardhshëm do të sjellë investime të mëdha në sektorin e ujit që do të balancojnë dhe pagesat me kontraktorët.
Ahmetaj thotë se në vitin 2022, kryeministri Rama do të prezantojë dhe reformën më të mëdha të ujit.
Pyetja: Ujësjellësat kanë rreth 160 mln euro borxhe ose ndryshe fatura të papaguara energjie, a nuk është ky një borxh i fshehur.
Ahmetaj: Përsa i përket pyetjes së parë, nuk ka borxhe të papaguara, janë punë në proces që paguhen në raport me dorëzimin e faturave dhe pagesën e TVSH-së nga privatët. Me buxhetin e këtij viti, do të ketë gjithashtu pagesa shumë të mëdha për projektet e infrastrukturës rrugore dhe të ujit dhe më besoni që avancimi i punëve do jetë i përputhur me pagesat e dhe ato që u kemi kontraktorëve. Ministrja dhe kryeministri do paraqesin reformën e ujit. Buxheti i 2022 është më i madhi në buxhetin e Shqipërisë dhe do e quaja buxhetin e dixhitalizimit dhe shërbimit të qytetarëve, që nga tuneli i Llogarasë tek Skavica, hekurudha dhe porti i ri i Durrësit. Do jetë buxheti që fokusohet tek qytetari” – tha Ahmetaj.
