Tre deputetë të rinj nga opozita i janë shtuar sot Kuvendit, ndërkohë që jashtë dyerve të institucionit protestohet.
Ralf Gjoni, Nimet Musai dhe Enada Kapllani janë betuar në Kuvend si deputetët më të rinj, ndërkohë që jashtë dëgjohen thirrjet kundër qeverisë, si dhe hidhen shashka.
Me betimin e tre deputetëve të rinj, Parlamenti ka 95 deputetë, 16 prej të cilëve vetëm nga opozita.
Kujtojmë se pak minuta para se të hynte në sallë, Gjoni përfaqësues i LSI-së u sulmua me një shiringë me bojë jashtë banesës së tij. Ai u shpreh se sulmi ishte porositur nga lart, por se kjo gjë nuk do ta ndalte në qëllimet e tij.
