Jan Prenga u rrëmbye në Kamëz më janar të vitit 2020 e më pas u torturua dhe u vra për shkak të prishjes së pazareve të vëllait të tij me një bandë tjetër.
49-vjeçari u rrëmbye mesditën e 17 janarit të vitit 2020 në Kamëz, ndërsa mbrëmjen e sotme BalkanËeb ka siguruar një videon kur Jan Prenga nxirret i pajetë nga një ‘Range Rover’, nga personat që e morën peng. Pamjet që janë bërë publike janë marrë nga kamerat e sigurisë së kompleksit luksoz “Golden Resort” . Pamjet janë dramatike, në të shihen personat që e tërheqin zvarrë trupin e Jan Prengës, të zhveshur dhe të gjakosur, nga katër persona të maskuar të cilët e fusin truopin në një furgon të bardhë brenda garazhit. Sjellim në vëmendje se trupi i Jan Prengës nuk është gjendur ende.
https://youtu.be/gNlYsglgdOk
Po ashtu kamerat e sigurisë kanë kapur edhe momente të tjera të tronditse nga pengmarja e 49-vjeçarit. Një tjetër moment është kur autorët mundohen të fshinë gjurmët pasi kanë sistemuar trupin e Prengës në furgon.
Tashmë 4 autorët shihen të shkujdesur dhe pa maska. Në këtë moment siç po e shikoni edhe në video, një nga personat që shfaqet vazhdimisht është Festim Bexhdili, kopshtari i resortit. Ai kujdeset për të gjitha madje iu ka siguruar edhe mjetet e duhura për të zhdukur trupin e tij.
