Mbrëmjen e djeshme, një fouristradë ka goditur me pasojë vdekjen një 56 vjeçar në dalje të qytetit të Beratit
Viktima Artur Abazaj sapo kishte dalë nga puna në fasoneri. Tashmë janë sekuestruar kamerat e sigurisë, mjeti që goditi për vdekje Abazaj ka qenë një fuoristradë e zezë, që u largua nga vendngjarja.
56 vjeçari i aksidentuar për vdekje mbrëmjen e djeshme në dalje të qytetit të Beratit mësohet se sapo kishte dalë nga puna nga një fasoneri që ndodhet përgjatë aksit nacional Berat-Dimal. Mjeti që e ka goditur dhe është larguar nga vendngjarja ka qenë një fuoristradë e zezë, e cila pas goditjes e ka tërhequr disa metra zvarrë viktimën 56-vjeçare.
Viktima Artur Abazaj ishte përpjekur të kalonte rrugën përgjatë vijave të bardha, kur është goditur nga një mjet që udhëtonte me shpejtësi në drejtim të Beratit dhe- sipas dëshmitarëve në vendngjarje- mjeti e ka tërhequr 56-vjeçarin disa metra zvarrë dhe më pas është larguar nga vendi i ngjarjes.
Policia e Beratit ka kryer mënjëherë edhe vëzhgimin e vendit të ngjarjes si dhe ka pyetur edhe dëshmitarët që sapo kishin dalë nga puna në momentet që u godit për vdekje Abazaj, ndërkohë që janë sekuestruar edhe kamerat e sigurisë të një biznesi përgjatë rrugës, i vetmi në këtë zonë me kamera sigurie.
Më poshtë është video ku tregohet se si fuoristrada e mori zvarrë Abazajn te vijat e bardha sapo doli nga puna në fasoneri.
