Policia e Kosovës ka realizuar një aksion anti-kontrabandë ditën e sotme i cili u realizua në Pejë dhe Mitrovicë dhe u shoqërua me tensione.
Kujtojmë se qytetarët serb hodhën gurë në drejtim të policisë së Kosovës, kundër këtij operacioni ndërsa ka sulmuar edhe pjesëtarët e tjerë të policisë së Kosovës.
Mediat serbe kanë shkruar nga ana tjetër se presidenti, Aleksandër Vuçiç ka shkuar në Rashkë, për të zhvilluar një takim urgjent me qytetarët serbë.
Kryeministri i Kosovës, Albin Kurti më herët pati edhe një reagim nga kryeministri i cili deklaroi se krimi dhe grupet kriminale do të luftohen, ndërsa i bëri thirrje qytetarëve në komunën veriore të Mitrovicës që të mos bien pre e disa mediave në Serbi që sipas tij mbrojnë krimin.
Gjithashtu pas tensioneve të zhvilluara gjatë këtij operacioni, reagoi edhe kryeministrja e Serbisë Ana Bërnabiç, duke i bërë thirrje bashkësisë ndërkombëtare që të reagojë. Kryeministrja e Serbisë, Ana Bërnabiç ka ftuar bashkësinë ndërkombëtare që të reagojë teksa Policia dhe Dogana e Kosovës njoftuan se po zhvillojnë aksion kundër kontrabandës në disa lokacione, përfshirë edhe komunat në veri të vendit.
“I bëj thirrje bashkësisë ndërkombëtare, NATO-s dhe KFOR -it, që të reagojnë urgjentisht dhe të ndalin (v.j. kryeministrin e Kosovës) Albin Kurtin. Situata është më se dramatike dhe ky është momenti i fundit në të cilin është i nevojshëm një reagim i qartë për të ndaluar politikën e çmendur të ndjekur nga Prishtina. Kjo lloj sjelljeje ka tejkaluar çdo masë dhe na çon në prag të kaosit”, tha Bërnabiq përmes një komunikate për media.
Kujtojmë se nga ky operacion u arrestuan tetë persona nga Policia e Kosovës.
