Ministry i Brendshëm Bledi Çuçi është pyetur ditën e sotme në Komisionin e Sigurisë në lidhje me avionin sportive që u rrëzua në Kelmend ditën e djeshme, teksa shumë pak dihet në lidhje me ngjarjen.
Ishte deputeti i PD, Enkelejd Alibeaj ai që e ka pyetur ministrin, ndërsa ka theskuar faktin se policia nuk ka asnjë informacion për shtetasit që po udhëtonin në avion dhe çfarë po transportohej në të.
Ndërkohë, Çuçi ka thënë se nuk dëshiron të bëhet zëdhënës i Policisë së Shtetit, pasi për këtë është bërë një deklaratë zyrtare. Ministri tha se nuk do të ketë asnjë tolerim për këtë rast.
“Për aksidentin, për pilotët ndëshkimin e ligjit deri në fund, edhe për bashkëpunëtorët e tyre. Nuk dua të bëhem zëdhënësi i Policisë së Shtetit, Policia e Shtetit e ka dhënë një deklaratë për këtë punë. Të jeni të sigurt që nuk do të ketë asnjë tolerim”, ka thënë Çuçi.
Policia tha ditën e sotme informacion zyrtar për rrëzimin e avioni, pa bërë të ditura detaje të tjera. Në njoftim thuhej se në avion nuk ishte gjetur asnjë shenjë dalluese si: flamur, dokumente të origjinës apo ndonjë dokument tjetër identifikimi apo sende të kundraligjshme. Asnjë e dhënë nuk u bë me dije për pilotët, të cilët ishin në drejtim të avionit.
