Presidenti i vendit Ilir Meta ka zhvilluar ditën e sotme një takim me udhëheqësen e opozitës në Bjellorusi, Sviatlana Tsikhanouskaya.
Në një postim në rrjetin e tij social ‘Facebook’, shoqëruar dhe me fotografi duke shtrënguar duart me Tsikhanouskaya, Kreu i Shtetit Shqiptar Ilir Meta, thekson se i ka uruar asaj suksese në misionin, përpjekjet frymëzuese dhe lidershipin e dëshmuar.
Presidenti Meta shton se lirimi i të burgosurve politikë liria e medias dhe shprehjes si dhe mbajtja e zgjedhjeve të lira e të ndershme janë tepër të rëndësishme për të ardhmen demokratike të Bjellorusisë.
Më tej Presidenti Meta thotë se Shqipëria qëndron në krah të aspiratave demokratike të popullit bjellorus!
Postimi i Metës:
Kënaqësi të takoja sot udhëheqësen e guximshme të opozitës bjelloruse, znj. Sviatlana Tsikhanouskaya.
I urova shumë suksese në misionin, përpjekjet frymëzuese dhe lidershipin e dëshmuar.
Lirimi i të burgosurve politikë, liria e medias dhe e shprehjes, si dhe mbajtja e zgjedhjeve të lira e të ndershme janë tepër të rëndësishme për të ardhmen demokratike të Bjellorusisë.
Shqipëria qëndron në krah të aspiratave demokratike të popullit bjellorus!
Kujtojmë se takimet mes krerëve të shtetit tonë edhe figurave të rjera të autoriteteve të vendeve të huaja vazhdojnë për të nxitur kështu dhe “frymën” e bashkëpunimit mes dy vendeve për marrëdhënie më të forta.
