Ka shkuar në 50 numri i viktimave nga sulmi në Zelandën e Re pas atentatit terrorist. Policia zbuloi një viktimë tjetër në një nga xhamitë e sulmuara. Një besimtar reagoi me guxim duke ndihmuar në kapjen e atentatorit.
Numri i viktimave pas sulmit terrorist djathtist në Christchurch mund të rritet edhe më tej, sipas policisë zelandeze. Dy të lënduar ndodhen ende në rrezik për jetën. 36 vetë u dërguan në spitale me plagë të rënda.
Policia është e mendimit, se i arrestuari ka vepruar i vetëm. 28 vjeçari, Brenton Tarrant, që zotëron lejen e armëmbajtjes dhe ka qenë anëtar i një shoqate qitësish, është vendosur në një burg të sigurisë së lartë.
Në një dalje para gjykatës, i akuzuari tregoi shenjën „okay”, që njihet edhe si shenjë e e skenës ekstremiste të djathtë për „pushtetin e bardhë”, shkruan “DW”. Pas kësaj qëndron ideja e supremacisë së racës së bardhë.
Facebook ndërkohë ka fshirë 1,5 milionë video që qarkullonin në mediat sociale pas atentatit në shenjë respekti ndaj viktimave e personave të tjerë.
