Ambasadorja amerikane në Tiranë, Yuri Kim ka reaguar në lidhje me ngjarjen e rëndë që ndodhi paraditen e sotme në zonën e Ishull Lezhë, ku mbeti i vrarë efektivi i krimeve, Saimir Hoxha. 44-vjeçari u vra me armë zjarri teksa ishte duke ushtruar kontrolle për parcelat me kanabis në Lezhë.
Me anë të një postimi në rrjetet sociale, Yuri Kim i ka shprehur ngushëllime familjarëve të efektivit dhe kolegëve të tij. Po ashtu Kim ka theksuar se autorët e ngjarjes së rëndë duhet të dalin para drejtësisë dhe të dënohen.
“Ngushëllimet më të thella familjes dhe kolegëve të oficerit të Policisë së Shtetit Shqiptar, i cili u vra në krye të detyrës. Policët dhe të tjerët në radhën e parë përballen me rrezikun në emër të të gjithë qytetarëve, dhe ne jemi mirënjohës për heroizmin e tyre. Shpresojmë që autorët të dalin përpara drejtësisë”, shkruan ambasadorja Kim.
Kujtojmë se paditen e sotme në zonën e Ishëm Lezhë, u qëlluam me armë zjarri efektivi i krimeve, Saimir Hoxha. Policia po vazhdon me kontrolle në zonë për të kapur autorin e ngjarjes së rëndë, 21-vjeçari Aldi Rama. Policia po ushtron kontrollet me helikopter dhe dronë, pasi dyshohet se i riu është fshehur në një zonë me bimësi të dendur, jo shumë larg vendit ku ka ndodhur ngjarja. Arma e zjarrit me të cilën kreu krimin 21-vjeçari ende nuk është gjetur, po ashtu dyshohet se autori e ka atë me vete.
