Ditën e sotme Partia Demokratike ka mbledhur grupin parlamentar. Në ketë mbledhje mësohet se kreu i Partisë Demokratike, Lulzim Basha ka kërkuar krijimin e grupeve hetimore.
Burime bëjnë me dije se grupi i parë hetimor do të ngrihet për masakrën zgjedhore të 25 prillit, ku sipas tij parësore në këtë hetim do të jetë vjedhja e të dhënave private dhe personale të shqiptarëve. Komisioni i dytë hetimor mësohet se do të ngrihet për çështjen Becchetti, ndërsa komisioni i tretë hetimor do të ngrihet për Inceratorët.
Tre grupet hetimore që do të ngrihen
1- Komision hetimor për masakrën zgjedhore që u konfirmua edhe nga raporti i OSBE/ODIHR. Parësore për këtë komision hetimor do të jetë vjedhja e të dhënave private dhe personale të shqiptarëve, keqpërdorimi i aseteve dhe funksioneve publike, abuzimi me fondet e rindërtimit për qëllime elektorale, abuzimi me legalizimet në këmbim të votës. Punësimet e paligjshme në administratën publike dhe blerjen e votës.
2- Komision hetimor për çështjen Becchetti. Lufta personale e Edi Ramës me sipërmarrësin italian do t’u kushtojë qytetarëve më shumë se 120 milionë euro.
3- Komision hetimor për Inceneratorët, një aferë mafioze, kriminale që përfshin zyrtarët më të lartë të shtetit shqiptar. Kallëzimet tona penale vazhdojnë të zënë pluhur nëpër prokurori”, ka deklaruar kreu i PD.
