Pak minuta më parë të shtëna armësh zjarri janë dëgjuar pranë Liqenit Artificial në Tiranë.
Deri më tani policia ka konfirmuar se nga plumbat ka mbetur i vdekur një person, i cili mësohet të jetë qëlluar nga dy persona të maskuar.
Burime ende jo zyrtare thonë se viktima është 62-vjeçari me iniciale H.B nga Mallakastra. Policia nuk ka dhënë ende detaje lidhur mbi ngjarjen, ndërkohë që mësohet se viktima është qëlluar duke vrapuar me të birin. Sipas Balkan Web një nga autorët e dyshuar, mendohet të jetë një person me inicialet I.H, nga Fieri. Për momentin nuk bëhen të ditur të tjera informacione, ndërkohë ambulanca dhe forca të shumta policie kanë mbërritur në vendin e ngjarjes
Atentatet në vendin tonë janë duke u kthyer tashmë në përditshmëri duke marrë parasysh që natën e 14 marsit një tjetër shkëmbim me armë zjarri ka ndodhur pranë stadiumit “Dinamo” ku edhe ka mbetur i plagosur një person.
Njoftimi i policisë
Rreth orës 18:15, tek Liqeni Artificial, është vrarë me armë zjarri, shtetasi H. B., 62 vjeç. Policia ka identifikuar autorin dhe po punon për kapjen e tij.
