Në prangat e policisë së Kurbinit përfundojnë dy persona të cilët dyshohen se kanë kultivuar bimë narkotike. Gjithashtu është proceduar penalisht kryetari i fshatit për shpërdorim detyre.
Sipas informacioneve zyrtare në prangat e policisë ka rënë shtetasit me inicialet P. M., 29 vjeç dhe M. M., 24 vjeç, të dy banues në Ferrë Trashë, Mamurras. Këta shtetas janë kapur në flagrancë, duke kultivuar bimë narkotike në afërsi të banesës së tyre, në vendin e quajtur “Ferrë Trashë”, Njësia Administrative Mamurras, Kurbin.
Mësohet se materialet procedurale u referuan në Prokurorinë pranë Gjykatës së Shkallës së Parë Kurbin, për veprat penale penale “Kultivim i bimëve narkotike”, kryer në bashkëpunim dhe “Moskallëzimi i krimit “.
Njoftimi i Policisë
Goditet një tjetër rast i kultivimit të bimëve narkotike.
Vihen në pranga 2 shtetas, autorë të dyshuar të kultivimit të bimëve narkotike.
Procedohet penalisht kryetari i fshatit, për shpërdorim detyre.
Shërbimet e Komisariatit të Policisë Kurbin, në vijim të punës së pandërprerë për parandalimin, evidentimin dhe goditjen e veprimtarisë së paligjshme të kultivimit të bimëve narkotike, pas informacioneve të marra në rrugë operative se në fshatin Ferrë Trashë, Mamurras, Kurbin, po kultivoheshin bimë narkotike, kanë bërë arrestimin në flagrancë të shtetasve:
- M., 29 vjeç dhe M. M., 24 vjeç, banues në Ferrë Trashë, Mamurras.
Këta shtetas janë kapur në kushtet e flagrancës, duke kultivuar bimë narkotike në afërsi të banesës së tyre, në vendin e quajtur “Ferrë Trashë”, Njësia Administrative Mamurras, Kurbin.
Në vijim të veprimeve hetimore filloi procedimi penal në gjendje të lirë për shtetasin M. K., 59 vjeç, me detyrë kryetar i fshatit Ferrë Trashë, pasi dyshohet se ka konsumuar elementë të veprës penale “Shpërdorim detyre.
Materialet procedurale u referuan në Prokurorinë pranë Gjykatës së Shkallës së Parë Kurbin, për veprat penale “Kultivim i bimëve narkotike”, kryer në bashkëpunim dhe “Moskallëzimi i krimit “.
