Deputeti i Partisë Demokratike, që përfaqëson qytetin e Lushnjes, Sajmir Korreshi u bë viral ditën e sotme në të gjitha rrjetet sociale. Gjithashtu ai ka qenë ditën e sotme kryefjala në të gjitha mediat.
Kujtojmë se orët e para të mëngjesit të sotëm ai mbajti një fjalim në Kuvend i cili u shoqërua me të qeshura nga deputetët e P, por edhe ata të Partisë Demokratike, madje edhe vetë kreu i PD-së Lulzim Basha. Ditëne sotme ai ka qenë i ftuar në Syri.Tv ku dhe ka folur për herë të parë në lidhje me situatën që ndodhi në parlament. Korreshi u shpreh se ai ka treguar situatën reale në të cilën ndodhet Spitali i Lushnjes, madje ai ka vazhduar më tej duke thënë se në spitalin e Lushnjes nuk funksionon asgjë dhe se të gjitha pajisjet janë jashtë funksionit.
“Spitali i Lushnjës është sot vetëm për synetlliqe dhe apendecit. Në Lushnjë pas orës 8 të darkës ka vetëm burra e qen”, ka thënë Korreshi.
Më tej ai ka thënë se ka goditur me shakanë dhe humorin për të treguar situatën tragjik-komike ku ndodhemi. Ai ka thënë ndër të tjera se nuk e është ofenduar nga e qeshura e deputetëve.
“Është keqkuptim i mediave. Pata mundësi që të shprehem në Kuvend. Për mua nuk ka asnjë problem nëse qesh.
Ndoshta kreu i PD i dinte batutat. Ishte seancë maratonë e gjatë, kemi qenë vetëm ne deputetët e opozitës, edhe ministrat nuk patën guxim të rrinë në foltore. Situata ku jemi është tragji-komike. Unë godita me shakanë dhe humorin për të treguar situatën tragji-komike ku ndodhemi.
Realisht Lushnja është në situatë të rëndë ekonomike. Po të shikoni unë s’e kam prishur terezinë fare, ishin doza humori. Nuk ka qenë mungesë respekti për fjalën time.
Unë preka realitetin në Lushnjë, ata ministra nuk e dinë gjendjen ku ndodhet Spitali i Lushnjës. Spitali i Lushnjës është sot vetëm për synetlliqe dhe apendecit. Në Lushnjë pas orës 8 të darkës ka vetëm burra e qen”, tha ndër të tjera demokrati Korreshi
