Analisti Andi Bushati ka komentuar zhvillimet e fundit politike në vendin tonë, por kryesisht vendimin e kreut të PD-së, Lulzim Basha për të përjashtuar Berishën nga grupi parlamentar i PD-së.
Bushati thotë s me këtë veprim Basha ka shitur veten te kryeministri Edi Rama.
Në emisionin “Open”, Bushati thotë se vendimi për të shpallur non grata ish-kryeministrin, Sali Berisha ishte në favor të kryeministrit të vendit Edi Rama. Ndër të tjera Bushati ka shtuar se ky vendim i bën keq opozitës.
“Unë sot preferova të shoh një beteje reale sesa beteja fallco Rama-Basha. E pashë me vëmendje Berishën sepse jam i bindur se Basha nuk ka marrë vendim kundër Berishës po ka shitur veten dhe PD-në tek Edi Rama. Vendimi non-grata ka qenë në leverdi totale të Edi Ramës. Është njeriu që na e ka shpallur para dy vite e gjysmë që Saliu do të shpallej non grata, pa ardhur akoma sekretari Blinken në atë detyrë ku është sot. Kur u bë publike kjo gjë që Rama e dinte para 2 vjetësh? U bë publike kur filluan në PD të ngrihen zërat e parë që thonin duhen protesta dhe revolta për blerjen e votës. Kujt i intereson kjo PD apo Edi Ramës?
Sali Berishën po e shpallin si të korruptuar se korrupsioni është armiku më i madh i SHBA. Dhe këta na bëjnë teatër dhe përqafohen me njerëzit që kanë vjedhur tek Unaza e Re me dokumenta amerikane dhe i shqetësonka korrupsioni i një pensionisti i para 8 vjetësh?! Kur ti jep argumentin e rremë, ke një prapa arsye.
Edhe nëse nuk është bërë me paret e drogës së Ramës, ky vendim non grata ka shkuar totalisht në favor të Ramës në momentin që duhej. Pse një standard që iu pranua Edi Ramës për tu zgjidhur nga amerikanët për Tom Doshin, nuk iu pranua Bashës? Ky vendim i bën keq opozitarizmit”, tha Bushati.
