Shqipëria pritet që të ketë një hartë të re të regjistrimit të pronës. Lajmin e ka bërë të ditur ambasadori i Bashkimit Evropian në Shqipëri, Luigi Soreca. Ai ka publikuar një status në rrjetet sociale ku thotë se kjo ndodh falë ndihmës së BE-së për vendin.
Po ashtu Soreca ka folur me shifra dhe duket se për zbatimin e programit do të jenë në dispozicion 5.7 milion euro. Po ashtu Soreca ka sqaruar se ky program sipas tij do të përmirësojë edhe sigurinë ligjore dhe se do të promovojë më shumë investimet e huaja. Ai e ka cilësuar këtë program si një reformë vendimtare për popullin, Shqipërinë dhe integrimin e saj në BE.
Statusi i Luigi Soreca:
Falë ndihmës së Bashkimit Evropian, Shqipëria do të ketë një hartë të re të regjistrimit të pronës.
Me 5,7 milion euro, Programi #EUforPropertyRightsFlag i Bashkimit Evropian do të përmirësojë sigurinë ligjore dhe do të promovojë më shumë investime të huaja. Kjo është një reformë vendimtare për shqiptarët dhe për integrimin e Shqipërisë në Bashkimin Evropian.
Po ashtu ambasadorja e SHBA-ve, Yuri Kim ka ndarë postimin e Sorec-ës dhe krahas tij ka shkruar se zgjidhja e të drejtave të pronësisë do të hedhë themelet për një zhvillim më të madh, investime dhe barazi mundësish. Sipas Kim është një program i domosdoshëm.
Postimi i plotë i ambasadores:
Pajtohem plotësisht. Zgjidhja e të drejtave të pronësisë do të hedhë themelet për një zhvillim më të madh, investime dhe barazi mundësish. Është e domosdoshme.
Pritet që nga Drejtoria e Kadastrës të bëhen sqarimet dhe më shumë detaje nga ky program me hartën e re të regjistrimit të pronës.
