Një moment tensioni është shënuar në përfundim të konferencës Rama-Merkel ditën e sotme, teksa gazetarët nga Kosova nuk janë lejuar të bëjnë pyetje. Pasi të dy iu përgjigjën disa pyetjeve, moderatorja ndërhyri duke mbyllur konferencën pasi duhej të vazhdohej me axhendën.
Gazetarët nga Kosova kanë shprehur revoltën e tyre, duke thënë se edhe ata ishin të pranishëm. Rama ndërhyri duke thënë se kancelarja nuk ua kishte borxh kohën.
Pjesë nga debati:
Moderatorja: Për shkak të axhendës duhet ta mbyllim.
Gazetarët:Mediat e Kosovës…Zoti Rama, jemi dhe ne këtu.
Edi Rama: Me mua po por zonja Merkel nuk iu ka asnjë borxh.
Gazetarët: Mediat e Kosovës…asnjë nga ne se le…në fakt e patën për zonjën Merkel. Zoti Rama, tërësisht u injoruam. Është e padrejtë. Kemi ardhur nga Kosova.
Konferenca e përbashkët mes Ramës dhe Merkelit ishte parashikuar me deklarata individuale e më pas vetëm 4 gazetarë u lejuan të bënin pyetje. Përplasja mes gazetarëve dhe kryeministrit Rama erdhi pasi ky i fundit nu ki kurseu kritikat për Kosovën, pasi këta nuk pranuan të merrnin pjesë në “Open Balkans”. Ai e quajti këtë vendim të gabuar dhe tha se nëse në Prishtinë nuk do të merreshin me konspiracion, kjo nismë do të sillte shumë përfitime.
