Kancelarja gjermane Angela Merkel ka thënë gjatë konferencës së përbashkët me kryeministrin Edi Rama, se Shqipërisë i është thënë qartësisht se çfarë duhet të ndryshohë në sistemin e drejtësisë, apo sektorë të tjerë, për t’u bërë pjesë e Bashkimit Europian.
“Në fakt BE, shtet anëtare do të duhej të thonë kriteret kushtet për tu bërë pjesë. Në rastin e Shqipërisë e kemi thënë qartësisht se cfarë duhet të ndryshoni në sistemin e drejtësisë, apo sektorë të tjerë”, tha Merkel.
Kancelarja tha se në momentin që kushtet të plotësohen, BE duhet të mbajë fjalën e vet dhe jo të nxjerrë kushte të reja, sepse vende të caktuara kanë politika të brendshme të ndryshm, ndërsa ajo shton se e mirëkupton zhgënjimin kur negociatat nuk happen.
“Dhe në momentin që këto kushte plotësohen do të duhej që BE të mbante fjalën e vet dhe jo të nxirrte kushte te reja, spese për shkaqe të politikës së brendshme në vende të caktuara kjo nuk është e mundur. Kjo sjell zhgënjim, unë e mirëkuptoj zhgënjimin”, u shpreh Merkel.
Ajo gjithashtu tha se Shqipëria ka mbështetjen e BE dhe se rajoni ka shumë miq, ndër drejtuesit e shteteve, që mund të marrin rolin e saj drejtues përsa i përket proceseve integruese.
