Kreu i Partisë Demokratike, Lulzim Basha ka folur për mediat pasi ai dhe grupi parlamentar braktiësn sallën e Kuvendit. Basha ka thënë se në atë sallë ndodhen njerëzit që kanë minuar demokracinë në Shqipëri, duke nisur nga Edi Rama që është shkatërrues i zgjedhjeve dhe duhet të ishte para drejtësisë. Ai përmendi edhe emra të tjerë si Ahmetaj, Balluku Gjiknuri, për të cilët gjithashtu tha se duhet të ishin para drejtësisë.
Më tej, Basha tha se PD ka vetëm një detyrë; që ta kthejë sallën e Kuvendit dhe çdo gjë jashtë saj ën një fushë beteje me dhe për qytetarët deri në mposhtjen e regjimit.
“Brenda kësaj salle ndodhen sot njerëzit që kanë minuar demokracinë shqiptare duke nisur nga Edi Rama, shkatërruesi i zgjedhjeve, institucioneve të pavarura, që duhet te ishte para drejtësisë. Duhet të ishin bashkë me të monstrat e korrupsionit që kanë bërë shqipërinë vendin me të korruptuar,sipas raportit të DASH Ahmetaj, Balluku Gjiknuri. Po kështu para drejtësisë duhet të ishte Taulant Balla, që figuron në listën e zezë si një nga pikat kyce të pastrimit të parave. Duhet të ishin para drejtësisë autorët e dosjes 339, përfaqësuesit e bandave të shijakut, Rrahja, e Cyrbja.
Po ashtu dy bedelët e Tomo Doshit, e Aqif Rakipit. Jashtë kësaj salle e para drejtësisë, duhet të ishin po kështu të gjithë ata që kanë grabitur djersën e shqiptarëve bukën e fëmijëve të tyre. Njëri shpreson t’i ikë drejtësisë, por duke lënë brenda bedelin e tij. Kjo është pakica e krimit e korrupsionit. Ne kemi një e vetëm një detyre, këtë sallë, e gjithçka jashtë kësaj salle ta kthejmë në fushë betejë me dhe për qytetarët deri në mposhtjen e këtij regjimi”, tha Basha.
