Zhvillimet e fundit politike në vend, kanë ngjallur edhe shumë debate dhe diskutime. Së fundmi Edit Harxhi dhe Fatbardh Kadilli kanë folur në lidhje me zhvillimet e fundit brenda PD-së, në lidhje me përjashtimin nga grupi parlamentar të ish-kryeministrit Sali Berisha. Të ftuar në emisionin”Breaking”, ata kanë dhënë qëndrimet etyre në lidhje me përplasjet brenda PD-së.
Edit Harxhi e cila ka shprehur hapur qëndrimin kundër kryetarit aktual të PD-së, Lulzim Basha në komentin e saj la të nënkuptohej se nuk mund të ketë një rikthim të tij në krye të PD-së, duke rrëzuar Bashën. Ndër të tjera Harxhi ka thënë se ky është momenti për të rimarrë në dorë fatin e opozitës.
“Ndaj një qëndrim me zotin Kadilli, se ne jemi, dje u shënua fundi i tranzicionit në PD dhe një fillim i ri, duhet të jetë me një klasë të re politike në PD, por edhe ne duhet të jemi edhe opurtunistë. Dhe mendoj se nga memoria e PD duhet të marrim gjithçka që është më e mira. Që Berisha ka përgjegjësi me heshtjen dhe me përkrahjen e Bashës, ka të drejtë Kadillit. E ardhmja e PD nuk mund të jetë me personalitete e figura politike qe kanë mbyllur ciklin politik, fiziologjike e biologjik. Berisha është sot në Parlament se nuk mund të bëjë edhe një mandat tjetër edhe për arsye të moshës së tij. Nuk e vlerësoj qëndrimin e tij për zotin Basha. Kadilli nuk u bashkua, por ne jemi një grup solid dhe do të vazhdojmë kontributin tonë, me elektoratin e djathtë. Ky është momenti për të rimarrë në dorë fatet e opozitës shqiptare”, tha Harxhi.
Ndërsa Ftabardh Kadilli është shprehur se modeli i Berishës nuk i duhet më Partisë Demokratike. Ai ka thënë ndër të tjera se modeli i autokracisë së kryetarit ishte nga ish-kryeministri, Sali Berisha.
“Nëse jemi një deformim të demokracisë në PD kjo është produkt i Berishës e politikës, nuk është kampioni i demokracisë Berisha. Nuk mund të jetë modeli politik, edhe reagimi i tij vjen vetëm në moment kur preket vetë. Modeli i autokracisë së kryetarit ishte nga Berisha”, tha Kadilli.
Ai theksoi se kjo ka qenë edhe arsyeja se pse ai nuk është bashkuar “Grupimit të PD-së”, pasi e shihte këtë lëvizje si më pranë Berishës.
