Një ngjarje e rëndë ka ndodhur mëngjesin e ditës së sotme rreth orës 08:30 në qytetin e Kavajës. Autoritetet e Policisë së Kavajës kanë njoftuar se një punëtor 55-vjeçar ka rënë nga lartësia e një pallati në ndërtim i cili nuk ka mundur t’i mbijetojë plagëve të marra dhe për pasojë ka humbur jetën.
Mësohet se punëtori ka qenë duke punuar në lartësi të konsiderueshme në momentin kur ka ndodhur dhe rënia e tij, dhe për shkak të plagëve të marra ka gjetur vdekjen e menjëhershme.
Policia vijon hetimet për zbardhjen e ngjarjes me pasoja të rënda, dhe vënien përpara përgjegjësisë të personave që kanë shkelur rregullat e sigurisë në punë.
Aksidentet në punë janë kthyer në një fenomen tejet shqetësues në vendin tonë, ndërkohë që në kantieret e ndërtimit mungojnë kontrollet. Sigura në kushtetet e punës e sidomos në kantieret e ndërtimit është gjithmonë e më shumë në mungesë gjë e cila shkakton dhe veprime të tilla me pasoja fatale duke gjetur kështu vdekjen disa persona.
Kavajë/Informacion paraprak
Më datë 07.09.2021, rreth orës 08:30, në Kavajë, dyshohet se duke punuar në një pallat në ndërtim, ka rënë nga lartësia dhe për pasojë ka humbur jetën punëtori shtetasi P. Gj., 55 vjeç.
Grupi hetimor ndodhet në vendngjarje dhe po punon për sqarimin e rrethanave të ngjarjes.
