Ashtu siç ishte paralajmëruar, Kuvendi i Shqipërisë do të drejtohet nga një grua. Kryeministri Edi Rama deklaroi në Asamblenë e PS se në vend të Gramoz Ruçit kryetarja e re e Kuvendit të Shqipërisë do të jetë Lindita Nikolla, ish-ministre e Arsimit.
“Shembull i padyshimtë në krye të çdo detyre, një shoqe e mirë dhe një politikane karriere, që është karakterizuar nga dëshira për dialog të edukuar me të tjerët”, tha Rama.
Ndërkohë në këto momentë të gjithë abnëtarët ë re të partisë Socialiste do ti drejtohen kutive të votimit ku dhe do të vendosin për anëtaret e qeverisë së re socialiste. E kujtojmë se Kryeministri i Shqipërisë, Edi Rama gjatë fjalës në Asamblenë Kombëtare të PS nuk ak kursyer kritikat ndaj të vetëve për hapjen e partisë. Për Ramën, rezultatet e hapjes së partisë nuk janë në nivelet që pretendohet dhe gjithmonë për këtë ka justifikime që e kanë shtyrë në kohë.
Kujtojmë që Lindita Nikolla ka pasur më parë postin e ministres së Arsimit, post nga i cili dha dorëheqjen pas protestave të shumta nga ana e studentëve. Tashmë ajo do të pasojë Gramoz Ruçin i cili dha dorëheqjen nga posti i kryetarit të Kuvendit në mbarimin e mandatit të qeverisë së kaluar.
