Vetëvrasja e fermerit, Alibeaj: Kambanë alarmi për gjendjen e bujqësisë

Një ngjarje e rëndë ka ndodhur në Roskovec të Fierit, ku një fermer ika dhënë fund jetës sepse prodhimi i serave të tij shitej me çmim shumë të ulët, dhe nuk arrinte të nxirrte fitime të mjaftueshme për të paguar kredinë̈.

Enkelejd Alibeaj, me anë të një postimi në rrjetet sociale ka shkruar se Partia Demokratike, ka denoncuar me forcë braktisjen e skemës së subvencioneve për fermerët, duke favorizuar 2-3 oligark̈ importues që sjellin nga jashtë çdo produkt që fare mirë mund të ishte vendas.

Alibeaj thotë se fatkeqësi të tilla janë̈ një̈ kambanë alarmi për situatën në të cilën ndodhet sot ekonomia dhe bujqësia shqiptare.

Postimi i plotë i Enkelejd Alibeaj

Një fermer i ka dhënë fund jetës në Roskovec, sepse prodhimi i serave të tij shitej me çmim shumë të ulët, dhe kësisoj, nuk arrinte të nxirrte fitime të mjaftueshme për të paguar kredinë.

PD e ka denoncuar me forcë braktisjen e skemës së subvencioneve për fermerët, duke favorizuar 2-3 oligarkë importues që sjellin nga jashtë çdo produkt që fare mirë mund të ishte vendas.

Fermerët e kanë të pamundur të paguajnë këstet e kredisë çdo muaj, pasi prodhimet e tyre për shkak të rënies së konsumit dhe konkurrencës së pandershme që u bëhet me produkte importi, në shumicën e rasteve nuk shiten.

Fatkeqësi të tilla janë një këmbanë alarmi për situatën në të cilën ndodhet sot ekonomia dhe bujqësia shqiptare. Në këtë ditë të vështirë, ne ndajmë dhimbjen me familjen e të ndjerit.

Zëri ynë në mbështetje të fermerëve ka qenë përherë i fortë, me propozime konkrete në mbështetje të njerëzve të punës që sakrifikojnë cdo gjë për të punuar ndershmërisht dhe për të dhënë kontributin e tyre në shoqërinë tonë. Zëri ynë në mbështetje të fermerëve do të jetë edhe më i fortë, që këto tragjedi të mos ndodhin më!