Me anë të një postimi në rrjetet sociale, Presidenti i vendit Ilir Meta ka kujtuar ditën e sotme ditën e lindjes së shkrimtarit At Zef Pllumi.
Meta ka sjellë në vëmendje librin e tij të famshëm “Rrno, vetëm për me tregue”. Në postimin e tij Meta ka shkruar se kjo është një dëshmi autentike për terrorin dhe krimet e diktaturës, por sipas tij mbetet edhe një kushtrim i përhershëm për lirinë dhe demokracinë. “Asht i mjerë ai popull që nuk ia del me zotnue bijtë e vet të këqij!”, presidenti Meta e ka kujtuar me një nga mesazhet e tij më të mençura siç e cilëson ai dhe se kjo shprehje është e vlefshme dhe domethënëse edhe për kohën ku jetojmë.
Postim i Presidentit Ilir Meta
“Rrno, vetëm për me tregue” është jo vetëm një dëshmi autentike për terrorin dhe krimet e diktaturës, por mbetet edhe një kushtrim i përhershëm për lirinë, demokracinë dhe dinjitetin njerëzor, për të cilat ia vlen çdo sakrificë.
Sot, në ditën e tij të lindjes nderimin më të madh, që mund t’i bëjmë veprës së At Zef Pllumit është të mos harrojmë një prej mesazheve të tij më të mençuara, të vlefshme dhe për kohët që jetojmë:
“Asht i mjerë ai popull që nuk ia del me zotnue bijtë e vet të këqij!” 🇦🇱
