Analisti Spartak Ngjela, ka dhënë një intervistë për “News24”, ku ka folur për dy mandatet e Ramës, qeverinë e re dhe çështjen “Berisha”. Ngjela thotë se deri më tani qeveritë e Ramës në dy mandatet e para nuk kanë pasur asnjë arritje, por vetëm staniacion duke siguruar që mos ketë krizë.
“Që të flas për qeverinë duhet të shoh ministrat. Po është me këta anonimët, se këta u njohën pasi i bëri ky. As sa Mao nuk kanë mend, leqë Mao ishte universal pavarësisht se ishte komunist. Mao kur bëri qeverinë e parë i la jashtë militantët. I thanë që po fut devijatorët, kundërshtarët vuri ky. E di si tha Mao? Nuk kam çfarë bëj i tha, ata i njohin, juve jo.
Këta kryeministra, duke filluar nga Enver Hoxha në fazën e dytë e të tretë janë kundër botës akademike. Si mund të qeverisësh pa botë akademike. Ku dinë ata? Ata s’dinë ligjin. Këta janë kot. Ku ka pa bazë juridike në parlamentet perëndimore. A thonë do hyjnë në perëndim. Shih sa juristë e ekonomistë ka në parlamente? Nuk e mbajnë mësuesët e këta që thotë ai. Të shohim a do i drejtohet botës akademike, juristëve a ekonomistëve?
Merr atë regjinë, të lexojë nenin 2 pikën 2 të dekriminalizimit të ligjit. Kush është non-grata në Amerikë nuk futet në parlament. S’njohin ligjin këta. Po të shkelet ligji hyn. Jemi dakord që ka një ligj që nuk e lejon.
Pika 2 e nenit 2, bile është pika 2 dhe ka nënpikat. Non-grata në Amerikë, i dëbuar për cënim të interesit kombëtar. A ishte kështu motivi i aktit të DASH? Do hyjë thua, po si do hyjë? Do shkosh tek KQZ, që të marrë emër për emër mandatet. Shumicën në KQZ e kanë socialistët. Nuk e kalon. Do shkojë në komisionin e mandateve. Ka procedurë shumë të rreptë. Pas kësaj, vjen komision i mandateve në Kuvend që del me vendim dhe nuk e pranon.
Edhe në komision janë shumica socialistë. Nuk hyn dot, hyn vetëm në një rast, nëse e lejon Rama, Rama e do se e sheh si gogol. Nuk fiton dot Rama pa të. Do thotë Rama ishte votim i fshehtë. Ligjërisht nuk lejon dot. Mazhoranca nuk e fut. Nëse do Rama pastaj nuk e di unë.
Nëse Berisha nuk lejohet të futet në parlament, do mundohet të kapë strukturat e veta të revoltës popullore. Trupat amerikane janë këtu, mbaron loja, mat. Berisha e ka bërë ligjin e dekriminalizimit. Po je nongrata në BE e Amerikë nuk hyn, mbaron loja. Këta donin që me ligjin e dekriminalizimit të fitonin ndaj Ramës, dhe fituan. Por këta e lejuan”, përfundoi Ngjela.
