Një tjetër ngjarje e rëndë është regjistruar në plazhin e Velipojës, ku është mbytur një 59-vjeçar. Ky lajm vjen pak pasi dy shtetas nga Maqedonia e Veriut u mbytën ditën e sotme ne plazhin e Spillesë. Sipas informacioneve nga policia ka humbur jetën rrethorë 11:15, në plazhin e Velipojës shtetasi me inicialet H.H.
“Velipojë /Informacion paraprak
Rreth orës 11:15, në plazhin e Velipojës, shtetasi H. H. rreth 59 vjeç, dyshohet se është mbytur në det.
Grupi hetimor ndodhet në vendngjarje dhe po punon për sqarimin e rrethanave të ngjarjes”,thuhet në njoftimin zyrtar të Policisë.
Sjellim në vëmendje se pak minuta më parë një ngjarje e rëndë u regjistrua në plazhin e Spillesë në Kavajë, ku humbën jetën dy pushues të cilët dyshohet se janë nga Maqedonia e Veriut. Sipas burimeve dy shtetasit janë rreth 70-vjeç. Policia dhe ambulanca kanë shkuar menjëhetë në vendngjarje. Po ashtu edhe grupi hetimor i cili po punon për zbardhjen e plotë të rrethanave të ngjarjes.
Njoftimi zyrtar i Policisë
Rreth orës 11:25, në plazhin e Spillesë, dy shtetas të gjinisë mashkullore ende të paidentifikuar,(dyshohet se janë shtetas Maqedonas), rreth 70 vjeç, dyshohet se si pasojë e dallgëve janë mbytur në det.
Grupi hetimor ndodhet në vendngjarje dhe po punon për identifikimin e tyre dhe sqarimin e rrethanave të ngjarjes.
