Një ngjarje me pasoja të rënda është parandaluar ditën sotme falë autoriteteve të policisë.
U bë i mundur arrestimi në flagrancë i 41-vjeçarit në fshatin Bruz Zall në Krujë, i cili po kërcëntonte me armë zjarri bashkëshorten e tij dhe familjarët e saj.
Forcat e policisë kanë mbërritur menjëherë në adresën e dhënë dhe falë ndërhyrjes profesionale kanë bërë të mundur neutralizimin dhe arrestimin e shtetasit Arben Hoxha.
Ndërkohë u sekuestruan 1 armë zjarri pistoletë, 4 fishekë dhe 1 krëhër.
Materialet i kaluan Prokurorisë së Rrethit Gjyqësor Krujë për veprat penale “Kanosje serioze për jetën”, “Armëmbajtje pa leje” dhe “Dhunë në familje”.
Njoftimi i plotë i polisië:
Kanosi me armë zjarri bashkëshorten dhe familjarët e saj duke rrezikuar jetën e tyre, falë ndërhyrjes së shpejtë dhe profesionale të Policisë, u bë i mundur arrestimi në flagrancë i 41-vjeçarit.
Sekuestrohet në cilësinë e provës materiale 1 armë zjarri pistoletë.
Shërbimet e Komisariatit të Policisë Krujë, pas marjes së njoftimit se fshatin Bruz Zall, Krujë, një shtetas po kërcënonte me armë zjarri bashkëshorten e tij dhe familjarët e saj, menjëherë kanë mbërritur në adresën e dhënë dhe falë ndërhyrjes profesionale, kanë bërë të mundur neutralizimin dhe arrestimin në flagrancë, të shtetasit Arben Hoxha, 41 vjeç, banues në fshatin Rranze, Krujë.
Arrestimi i këtij shtetasi u bë pasi për motive të dobëta, ka shkuar në banesën e vjehrrit të tij në fshatin Bruz Zall, Krujë, ku ndodhej dhe bashkëshortja e shtetasit Arben Hoxha, (e cila ishte paisur me urdhër-mbrojtje).
Shtetasi Arben Hoxha, në gjëndje të dehur i ka kërcënuar me armë zjarri pistoletë, duke qëlluar në ajër dhe drejtime të ndryshme, duke rrezikuar jetën e tyre.
Në cilësinë e provës materiale u sekuestrua 1 armë zjarri pistoletë, 1 krëhër dhe 4 fishekë.
Materialet i kaluan Prokurorisë së Rrethit Gjyqësor Krujë për veprat penale “Kanosje serioze për jetën”, “Armëmbajtje pa leje” dhe “Dhunë në familje”.
