Salianji me strukturat e PD-së në Korçë, komenton lëvizjet brenda degës: Betejën e kemi me PS-në

Ditën e sotme deputeti i Partisë Demokratike, Ervin Salianji dhe nënkryetarja e Partisë Demokratike në Korçë, Lediana Aliolli kanë zhvilluar ditën e sotme një takim me strukturat e Partisë Demokratike në këtë qytet.
Mësohet se pas dorëheqjes së kryetarit të PD-së Korçë, është vendosur që drejtimi i degës deri në muajin shtator të drejtohet nga tre nënkryetarët e kësaj force politike. Ndër të tjera Salianji është shprehur se dega e Korçës vijon punën për rikonstruktimin e saj, duke kujtuar se nga 146 seksione, vetëm në 15 prej tyre ka pasur dorëheqje.
“Shumë njerëz nuk janë mësuar dot me sakrificën, shumë të tjerë janë ‘demokratë pushteti’ dhe nuk janë dot demokratë sakricash dhe opozite. Ne duhet të qartësohemi nëse kemi kundërshtar Niko Peleshin apo kemi kundërshtar ndonjë nëpër lagje? A kemi kundërshtar ne Partinë Socialiste dhe Rilindjen që në mënyrë të përsëritur godet mundin dhe sakrificën e gjithë qytetarëve, por duke nisur nga demokratët? Të sqarojmë tani se 15 seksione kanë problematika që është larguar kryetari ose sekretari i seksionit nga 146 seksione që ka Partia Demokratike në Korçë. Pa disktuim që rruga e cila duhet zgjedhur dhe zgjidhet është të ulemi dhe të flasim me njëri-tjetrin. Sepse cila është kërksa? Të dëmtohet PD në opozitë?”.
Më tej Salianji është shprehur se në Korçë Partia Demokratike ka marrë një rrezultat zgjedhor më të mirë se ai i vitit 2013.
“Nuk është e lehtë dhe kjo është mëse e kuptueshme të përballesh me një regjim. Por duhet thënë që qarku i Korçës është qarku i katërt me rezultatin më të mirë në rang kombëtar për Partinë Demokratike. Përpara Korçës është vetëm Kukësi, Dibra dhe Lezha. Në 2013 ne ishim në pushtet, kishim njësitë të qeverisjes vendore, pothuajse të gjithë komunat e bashkisë së sotme të Korçës dhe kemi marrë diçka më shumë se 30% të votave. Ndërkohë që në procesin e 25 prillit ne kemi marrë më shumë se 40%”, tha Salianji.