Nëse temperatura dhe koha e pranverës ju ka shijuar, atëherë përgatituni sepse dimri nuk ka ikur ende. Duke filluar që nga dita e sotme e cila parashikohet të ketë vranësira dhe intervale të shkurta kthjellimesh të cilat do të dominojnë në të gjithë vendin.
Megjithatë vranësirat do të paraditen më të dendura në zonat veriore dhe ato qendrore duke mos munguar kështu edhe reshjet e shiut.
Mirëpo pasditja pritet të ketë alternime kthjellimesh dhe vranësirash në pothuajse gjithë vendin.
Sipas parashikimeve të ardhura nga MeteoAlb, temperaturat e ajrit kanë pësuar rënie të lehtë në vlerat e mëngjesit, por dhe në orët e mesditës duke bërë që të luhaten nga 2 deri në 22°C.
Era do fryjë kryesisht e fortë, me shpejtësi 40 km/h nga drejtimi jugperëndimor duke krijuar në det dallgëzim 3 ballë.
