Kreu i Partisë Demokratike Korçë, Andrea Mano u dorëhoq nga posti i tij. Pas dorëheqjes së tij dhe anëtarëve të kryesisë, ditën e sotme është lajmëruar se edhe funksionarë të tjerë janë larguar nga strukturat e kësaj partie. Me anë të një deklaratë për mediat thuhet se rreth 51 kryetarë dhe sekretarë të grupseksuioneve dhe Lidhjes Demokratike të Gruas kanë dhënë dorëheqjen.
Ndër të tjera në deklaratën e tyre thuhet se lideri aktual i Partisë Demokratike, Lulzim Basha po tenton ta kthejë PD-në në një parti klienteliste në funksion të interesave personale. Në deklaratë ndër të tjera theksohet se Basha sipas tyre, i ka hedhur poshtë të gjithë punën që është bërë në këto vite në Partinë Demokratike. Ata kanë hequr dorë nga të gjitha funksionet dhe thonë se pas dorëheqjes do të mbesin vetëm anëtarë të Partisë demokratike.
“Në si kryetarë, sekretarë dhe koordinatorë të Lidhjes Demokratike të Gruas solidarizohemi me dorëheqjen e anëtarëve të Kryesisë së PD Korcë dhe kemi vendosur të japim dorëheqjen nga funksionet tona drejtuese.
Gjykojmë që, lideri aktuali i saj po tenton me arrogancën e tij ta kthejë Partinë Demokratike në një parti klienteliste në funksion të interesave personale. Me veprimet e tij mendojmë se z. Basha ka hedhur poshtë të gjitha mundin dhe sakrificat tona në opozitën më të vështirë në historinë e Partisë Demokratike.
Të ndodhur në këto kushte 51 drejtues seksionesh dhe Lidhjes Demokratiket Gruas e gjejmë të pamundur të ushtrojmë funksionet tona drejtuese.
Nga ky moment, ne mbetemi vetëm anëtarë të PD në Korçë”, thuhet në deklaratë.
