Në prangat e policisë kanë përfunduar tre persona në Mallakastër dhe është shpallur në kërkim një tjetër. Policia ka zhvilluar ditën e sotme një operacion antidrogë, ku është gjendur një sipërfaqe kanabis në Çorrush. Mësohet se në prangat e policisë ka rënë shtetasi Zenel Lalaj, 69-vjeç ndërsa është shpallur në kërkim i biri i tij, Artur Lalaj 36-vjeç.
Në banesën e tyre janë sekuestruar në cilësinë e provës materiale një armë gjahu dhe një sasi e konsiderueshme kanabis.
Njoftimi nga Policia
DVP Fier
Vihen në pranga 3 shtetas, shpallet 1 në kërkim dhe procedohet penalisht 1 tjetër.
Mallakastër/Vijojnë goditjet e njëpasnjëshme ndaj veprimtarisë kriminale në fushën e narkotikëve dhe armëmbajtjes pa leje.
Si rezultat, gjatë një operacioni të organizuar në Mallakastër, vihet në pranga 1 shtetas, shpallet në kërkim 1 tjetër.
Sekuestrohen një armë gjahu, fidanë narkotikë dhe lëndë narkotike cannabis sativa.
Në vijim të punës për evidentimin dhe goditjen e rasteve të tentativës për kultivim të bimëve narkotike dhe të armëmbajtjes pa leje, bazuar në informacionet e marra në rrugë policore, shërbimet e Komisariatit të Policisë Mallakastër arrestuan në flagrancë shtetasin Z. L., 69 vjeç, banues në Fratar dhe shpallën në kërkim djalin i tij, shtetasin A. L., 36 vjeç, pasi dyshohen si autorë të kultivimit të fidanëve narkotikë të mbjellë në një sipërfaqe toke shtetërore në fshatin Çorrush, Mallakastër.
Gjithashtu, gjatë kontrollit të banesës së tyre u gjetën dhe sekuestruan një armë gjahu dhe një sasi e vogël me lëndë narkotike cannabis sativa.
