Drejtori i Përgjithshëm për Fqinjësi dhe Zgjerim në Bashkimin Evropian, Christian Danielsson ka nisur pa humbur kohë takimet. Me anë të një postimi në Twitter ai njofton se është takuar me anëtarët e KED.
Danielsson ka deklaruar në këtë takim se BE mbështet reformën në drejtësi, e cila siç tha është kyç për progresin në BE.
Pas pak drejtuesi i Zgjerimit dhe Fqinjësisë do të takojë shefin e qeverisë, Edi Ramën, ndërsa takimin me Bashën do ta zhvillojë pas orës 10:00.
Qëndrimi i Christian Danielsson në Tiranë vjen pas krizës politike mes palëve, sidomos pas vendimi të opozitës së bashkuar për të djegur mandatet e deputetit. Në orën 12:00, zyrtari i Brukselit pritet të dalë në një deklaratë me gazetarët dhe aty do të shprehë publikisht qëndrimet që ka ai për krizën politike në Shqipëri.
