Historike dhe e jashtëzakonshme, Kosova me dy medalje të arta! Xhudistja Nora Gjakova i siguron Kosovës medaljen e dytë të artë në këto Lojëra Olimpike. Luftëtarja dardane arriti të mposhtte në finale një rivale shumë të forte nga një vend me traditë në Xhudo si Franca, teksa dominoi rivalen Cysique me Ippon duke mos e diskutuar në asnjë moment suksesin që na fillimi deri në fund.
Triumfi i Nora Gjakovës sjell për Kosovën medaljen e dytë të këtyre Lojërave Olimpike dhe të tretën në histori. B Kujtojmë se ditë më parë, xhudistja kosovare, Distria Krasniqi, ka triumfuar në Lojërat Olimpike “Tokio 2020”, duke fituar medalje ari e duke na bërë të gjithëve krenarë.
Krasniqi e ka nisur mbarë ditën e parë të “Tokio 2020”, pasi ka fituar të gjitha ndeshjet, ku në finale ajo u përball me japonezen Funa Tonaki. Loja ishte e vështirë, por shqiptarja ia doli të triumfojë dhe t’i tregojë të gjithëve aftësitë e saj në xhudo.
Gjithashtu, vajza nga Peja ka fituar ndeshjen e parë me ‘ippon’ ndaj brazilianes, Gabriela Chibana, ndërsa në çerekfinale mposhti me ‘ippon’ Chen Hao Lin në kategorinë deri në 48 kilogramë.
Me këtë triumf, xhudistja fiton medaljen e artë në “Tokio 2020”, në kategorinë deri në 48 kilogramë. Gjithashtu në Lojërat Olimpike në Rio, më 2016, edhe xhudistja Majlinda Kelmendi fitoi medaljen e artë.
