Në Vlorë, 40-vjeçari Zigur Veshi, tenton të djegë me benzinë dy fëmijët dhe veten.
Për fat të mirë, policia ka ndërhyrë në kohë për t´i shpëtuar duke mos lejuar të ndodhë ajo që babai i fëmijëve kishte planifikuar.
Çdo gjë ka nisur kur Zigur Veshi ka marrë fëmijët e mitur 3 dhe 4 vjeç dhe ka dalë nga shtëpia duke njoftuar vetëm vëllain e tij duke i thënë që do vriste veten dhe fëmijët.
Vëllai i tmerruar ka njoftuar policinë. Ndërkohë, 40- vjeçari ka shkuar bashkë me fëmijët poshtë shtëpisë së vjehrrit ku ndodhej edhe bashkëshortja e tij, e cila një ditë më parë ishte larguar nga shtëpia nga frika sepse sipas saj ai pinte alkool dhe ishte i dhunshëm.
Babai i dy fëmijëve ka spërkatur me benzinë ata dhe veten dhe në momentin që ka dëgjuar thirrjen e policisë, ai ka nxjerr çakmakun dhe ka tentuar ta ndez atë.
Në atë moment ai është ndaluar nga policia dhe është transportuar për në polici së bashku me fëmijët.
