Një shtetas 32-vjeçar nga Bangladeshi, me inicilaet M. H, është arrestuar nga policia pasi është kapur duke transportuar emigrantë të paligjshëm drejt vendeve të treta. Ky person merrte nga 250 euro për person në mënyrë që ti kalonte nga kufiri i Greqisë, në Gjirokastër e më pas drejt Tiranës. Ai do të akuzohet për veprën penale “Ndihma për kalim të paligjshëm të kufijve”.
NJOFTIMI I POLICISE:
Vijon operacioni “Muzgu”.Kapet dhe ndalohet 32-vjeçari nga Bangladeshi, për veprën penale “Dhënia ndihmë për kalim të paligjshëm të kufirit”.Seksioni për Hetimin e Trafiqeve në DVP Gjirokastër, në bashkëpunim me shërbimet e Policisë Kufitare Kakavijë dhe shërbimet e Frontex-it, pas informacioneve të siguruara në rrugë operative, në afërsi të fshatit Dervician, ndaluan shtetasin M. H., 32 vjeç, banues në Bangladesh.
Ndalimi i tij u bë pasi, në vijim të operacionit “Muzgu”, nga hetimet e kryera ka rezultuar se ky shtetas, në bashkëpunim me shtetas të tjerë, në periudha të ndryshme, ka transportuar emigrantë të paligjshëm nga vendet e treta, nga kufiri i gjelbër me Greqinë në qytetin e Gjirokastrës dhe më pas në drejtim të Tiranës, kundrejt shumës 250 euro për person.
Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme, për veprën penale “Ndihma për kalim të paligjshëm të kufijve”, kryer në bashkëpunim.
