Kreu i Partisë Demokratike, Lulzim Basha ka takuar ambasadorët e vendeve të Bashkimit Europian, ndër ta edhe ambasadori Luigi Soreca.
Në një postim në Facebook Basha ka bërë me dije se pati diskutime të frytshme me ambasdorët, ndërsa thotë se prioriteti i PD mbetet anëtarësimi i Shqipërisë në BE. Kryedemokrati ka thënë se 25 prilli nuk kishte asnjë lidhje me demokracinë dhe për PD-në është një kapitull i mbyllur, prandaj do të kërkojë deri në fund hetimin e krimeve zgjedhore.
Statusi i plotë:
Diskutime të frytshme sot me ambasadorët e vendeve të Bashkimit Europian. Integrimi Europian i Shqipërisë ka qenë dhe mbetet prioriteti kryesor i Partisë Demokratike, ndaj do të bëjmë gjithçka që vendi ynë të eci përpara në këtë rrugëtim kaq të rëndësishëm për qytetarët tanë. Për ne BE do të thotë votë e lirë, pavarësi e institucioneve, liri dhe pavarësi e mediave, ndarje e politikës nga krimi dhe luftë ndaj korrupsionit. Pa këto nuk mund të ketë as zhvillim, as integrim dhe as demokraci. 25 prilli nuk kishte asnjë lidhje me demokracinë dhe për Partinë Demokratike nuk mund të quhet një kapitull i mbyllur. Prandaj ne do të kërkojmë deri në fund hetimin e krimeve zgjedhore, ndëshkimin e fajtorëve dhe kthimin e legjitimitetit dhe demokracisë në vend.
