Një ngjarjen e rëndë është regjistruar orët e vona të pasdites në kryeqytet. Ngjarja mësohet të ketë ndodhur në zonën e Alliasit, në Tiranë ku një 64-vjeçar është hedhur nga kati i pestë i një pallati. Burime bëjnë me dije se 64-vjeçari ka rënë në tarracën e katit të dytë të pallatit dhe ka mbetur i varur në një pjesë metalike, duke terrorizuar banorët.
“Me datë 06.07.2021, rreth orës 19:00, në rrugën “Njazi Meka”, është hedhur nga lartësia shtetasi Z. B., rreth 64 vjeç, i cili ndodhet në spital, nën kujdesin e mjekëve.”, thuhet në njoftimin zyrtar të policisë së shtetit.
Mësohet se në vendin e ngjarjes kanë mbërritur menjëherë forcat e policisë dhe ambulanca, të cilët e kanë transportuar për në spital, ku dhe ndodhet nën kujdesin e mjekëve. Gjithashtu grupi hetimor ka shkuar në vendngjarje dhe po punon për sqarimin e rrethanave të ngjarjes, ku paraprakisht dyshohet se ky shtetas vuan nga probleme të shëndetit mendor.
Tiranë/Informacion paraprak
Me datë 06.07.2021, rreth orës 19:00, në rrugën “Njazi Meka”, është hedhur nga lartësia shtetasi Z. B., rreth 64 vjeç, i cili ndodhet në spital, nën kujdesin e mjekëve.
Grupi hetimor po punon për sqarimin e rrethanave të ngjarjes, ku paraprakisht dyshohet se ky shtetas vuan nga probleme të shëndetit mendor.
