Sekretari i Përgjithshëm i Lëvizjes Socialiste për Integrim, Endrit Braimllari ka reaguar pas konferencës për shtyp të mbajtur nga ministri i Brendshëm, Bledi Çuçi për situatën e rendit dhe sigurisë në vend.
Ndër të tjera Braimllari shkruan se Ministri i Brendshëm dhe Policia e Shtetit janë nën këmbët e krimit të organizuar dhe as nuk guxojnë të bëjnë detyrën që i takon.
Ai i kërkoi ministrit Çuçi të sqarojë opinionin publik për mbështetjen që i kanë dhënë grupeve kriminale. Gjithashtu ai ka thënë se Edi Rama e ktheu Policinë e Shtetit në shërbim të grupeve kriminale dhe është përgjegjës kryesor për situatën kriminale në vend.
“Ministri i Brendshëm duhet të sqarojë opinionin publik mbi mbështetjen që i ka dhënë Edi Rama, ai dhe policia e shtetit grupeve kriminale duke i përdorur gjerësisht në fushatë në funksion të Rilindjes.
Këto drejtues e kthyen Policinë e Shtetit në strukturë mbështetëse të grupeve kriminale.
Ministri i Brendshëm dhe Policia e Shtetit janë nën këmbët e krimit të organizuar dhe as nuk guxojnë të bëjnë detyrën që i takon.
Edi Rama e ktheu Policinë e Shtetit në shërbim të grupeve kriminale dhe është përgjegjës kryesor për situatën kriminale në vend.
Policia e Shtetit ka humbur funksionin e saj jo sepse nuk ka profesionistë, por sepse ajo drejtohet drejtpërdrejt nga Edi Rama në shërbim të strukturave kriminale”, deklaroi Braimllari.
