Belgjika është bërë skuadra e radhës që ka kaluar në fazën çerekfinale të Kampionatit Europian mbrëmjen e sotme. “Djajtë” zbritën nga froni kampionët në fuqi të Portuglisë, pas fitores minimale 1-0. Goli i Thorgan Hazard mjaftoi që belgët të kualifikoheshin, ndërsa Portugalia e pati të vështirë të gjente kuadratin.
Kjo ishte ndeshja e parë në fazën me eliminim direkt që mund të cilësohej si një finale e parakohshme. Kampionët në fuqi të Europës përballë numrit një në renditjen e FIFA-s. këta të fundit duket se rezultuan më të fortë.
Portugalia erdhi nga një fazë e grupeve ku u kualifikua vetëm e treta, me rivalë si Franca dhe Gjermania. Nga ana tjetër, belgët arritën të fitonin çdo ndeshje në grupin e tyre duke u kualifikuar të parët.
Kapiteni i Portugalisë, Cristiano Ronaldo erdhi në këtë ndeshje si golashënuesi më i mirë i turneut, me 5 gola të shënuar në fazën e grupeve. Me shumë mundësi ky ishte edhe Europiani i fundit për 36-vjeçarin që më paraqitjen e tij arriti të thyente disa rekorde.
Nga ana tjetër Belgjika provoi se e justifikon pozicionin e saj si skuadra më e mirë në botë duke arritur të kualifikohet në 8 më të mirat. Belgët tashmë i pret Italia në Mynih në 2 korrik. Djemtë e Mancinit u kualifikuan vetëm në kohën shtesë përballë Austrisë.
