Një 40-vjeçar ka rënë nga prangat e policisë në Durrës pasi ka plagosur me thikë dy shtetas të tjerë. O.Q. dyshohet se ka plagosur për motive të dobëta dy shtetas të huaj, mendohet të jenë sirianë. Këta të fundit ndodhen në spital nën kujdesin e mjekëve. Ngjarja ka ndodhur rreth orës 15:20 në lagjen nr.4 të Durrësit.
Policia ka arrestuar menjëherë autorin e ngjarjes, 40-vjeçarin O.Q, banues në Berat. Ai po shoqërohet në komisariat për veprime të mëtejshme hetimore.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
Njoftimi i plotë i Policisë së Shtetit:
Durrës/Informacion paraprak
Plagosi me mjet prerës (thikë) për motive të dobëta 2 shtetas, prangoset menjëherë nga Policia autori i dyshuar.
Më datë 27.06.2021, rreth orës 15:20, në lagjen nr.4, Durrës, shtetasi O. Q., 40 vjeç, dyshohet se për motive të dobëta, ka plagosur me mjet prerës (thikë), 2 shtetas të huaj (dyshohet shtetas sirian), të cilët ndodhen nën kujdesin e mjekëve.
Shërbimet e Policisë menjëherë kanë kapur dhe arrestuar autorin e dyshuar të kësaj ngjarje shtetasin O. Q., 40 vjeç, banues në Berat, i cili po shoqërohet në ambientet e Policisë për veprime të mëtjeshme.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
