Skuadra e Interit ka filluar të mendojë seriozisht për merkaton verore me synimin për të mbrojtur titullin kampion në Serie A. Milanezët janë në kërkim të një mbrojtësi të majtë dhe duket se Jordi Alba i Barcelonës është në qendër të vëmendjes. Klubi Italian madje ka në plan të ofrojë shifra të larta për firmën e tij.
E përditshmja katalanase, El Mundo Deportivo ka zbuluar se Inter i ka bërë ofertë Barcelonës për yllin spanjoll. Shuma e ofruar nuk është zbuluar, por Inter ka në plan të përfshijë disa lojtarë në shkëmbim që të bindë drejtuesit e barçës. Ndërsa pritet përgjigja e drejtuesve blaugran, duhet ditur gjithashtu pozicionimi i lojtarit 32-vjeçar.
Tani për tani, afati i transferimit të verës nuk është me të vërtetë përparësia e Jordi Alba. I thirrur në ekipin spanjoll në Euro 2020, mbrojtësi i majtë do të bëjë çmos për ta çuar vendin e tij sa më larg të jetë e mundur në këtë kompeticion evropian. Dhe në korrik, do të jetë koha për të marrë një vendim në lidhje me të ardhmen e tij.
Rekrutuar në korrik 2012 nga Valencia CF kundrejt një pagese për 10 milion euro, mbrojtësi i majtë spanjoll është i lidhur me kontratë me Barçën deri në qershor 2024. Kapiteni spanjoll nuk e ka fshehur kurrë dëshirën e tij për t’i dhënë fund karrierës së tij në Katalonia, por dëshira për të nisur një sfidë e re mund ta bëjë atë të ndryshojë mendim.
