Ditën e sotme po mbahet seanca e radhës parlamentare. Deputeti Myslim Murrizi,, e ka pritur me humor në Kuvend shtyrjen e negociatave për Shqipërinë.
Murrizi thotë se njëherë për Shqipërinë nuk do Franca, pastaj nxjerrin Bullgarinë. Ai madje i drejtohet mazhorancës duke i thënë se ishte mërzitur pasi mendonte se kishin folur me palën bullgare për të hequr veton.
Ai shton se herën tjetër BE për ti shtyrë negociatat do i nxjerrë Lihteshteinin, San Marinon ose Andorrën, edhe pse këto nuk janë pjesë e BE.
Sipas Murrizit, arsyeja e vërtetë e mosçeljes së negociatave është sepse e BE e sheh që Shqipëria nuk po ndahet nga e kaluara edhe pas 30 vitesh.
‘’Pashë Ramën dje që e quante vëlla Zaevin. Shumë mirë e ka, nuk e di ka ndonjë origjinë këtej Zaevi. Ça po bëhet me negociatat Taulant? Do Franca, s’do Franca, herë nxjerr Bullgarinë, u mërzita fort thashë mos keni folur.
Ne për nder të ish-liderit komunist të Bullgarisë i vutë emrin fermës së rrushit, Gjergj Dimitrovit. A s’kishit folur me pasardhësit e Gjergjit që mos vinte veton?
Këtë herë nxorën Bullgarinë, herën tjetër do nxjerrin Lihteshteinin ose San Marinon, por ata e shohin mirë që në 30 vite ky vend nuk është shkëputur nga e kaluara.’’- tha Murrizi.
